الاعمدةفوق رأي

الكئيب بيتعلق بي ضحكة !

مبدئياً…. أي تعليق على الواقع سوف يجرنا إلى إكتئاب مباشر أو إكتئاب موازٍ وانتوا أقسم بالله ما ناقصين…
ناقصين…؟!
حالتنا بائسة لدرجة جعلت رائدة النكد والعياط والصعبانيات في الوطن العربي الأستاذة “نيللي كريم” تتوقف عن سلسلة دراما النكد والنفسيات والسجون والمصحات والمخدرات وتعزنا بمسلسل كوميدي..
والله جد…
لأول مره في التاريخ…
ولك أن تتخيل ماذا يعني هذا…
عليه… كهروب رسمي ح نكتب عن البرامج والمسلسلات واي حاجة سمحة…
الحاجات السلبية أنا عن نفسي ما عندي ليها حيل شيل…
والله جد…
ح نحاول نضحك … ودي ما ميتة قلب والله…
العالم مستف حرائق داخلية… ونحن في هذا الشهر الكريم مستفين دعوات … عشمانين في كرم ربنا ورحمتو…
دايرة أقول ليك : اتعلق بي أي ضحكة…
أي حاجة بتقويك…
أي إحساس منقذ…

وما شربنا الشاي….
دخلت حبوبة جيرانا وقد حط الريموت في قناة إخبارية فقالت لي (نصيحة ليك…. الأيام دي في الأخبار والمواضيع باري الفارغة بس…. باري الفارغة عشان قلبك ما يتلجن ساي… يا هناء يا بتي دي ما أيام عمق)…
اكيد ما ح أقول ليك باري الفارغة لأنو ببساطة حبوبة جيرانا دي (سقاطة حجار)……
باري الحاجات البتدعم روحك وتقويها…
الحاجات البتخليك بخير…
وابتسم… هانت بإذن الله
أقول قولي هذا ثقة في ربنا
و……
اللهم إنك عفوٌ كريمٌ تُحب العفو فأعفُ عنّا .

مقالات ذات صلة

شاهد أيضاً

إغلاق
error: المحتوى محمي