الاعمدةفوق رأي

الحظر عيب !!

تقول القاعدة الصحيحة يا حظر حظر (حظر عدييييل كدا) يا كمان خلونا ساي….
والمشكلة فينا أقسم بالله…..
ذات يوم عندما قال دكتور أكرم نراهن على وعي الشعب (قلت لحبوبة جيرانا سجمنا) ..
الوعي دا كتكوين وسلوك والتزام عند ناس بالحساب …. شوية ناس
والله جد ….
عشان ما نكذِّب علي روحنا ساي….
الباقين عارفين وما دايرين …
في ناس بتشوف لو أنها اتعاملت بي وعي مع الجائحة دي أو مع أي حاجة كأنو عيب .. أو جبن .. أو رجز من عمل الشيطان…
لازم يتصل بي قريبو أو صديقو الشغال في جهة رسمية عشان يطلع ليهو تصريح ….
يستطيع البني آدم أن يعيش بدون ماء … لكن كيف يعيش بدون تصريح مرور …
وهسه شربنا الشاي….
نوع آخر يعتقد أنه طالما لم يعبر الكبري فهو لن يتعرض للمرض …
اي حتة مافيها نقطة إرتكاز معناها مافيها كورونا…
حيث أن الحي والحلة والضُمنة والليدو معقمات تب …
وثمة من يرى أنه إذا لم (يرطب) من الأزمة دي فهو (لتخه)….
لازم يستغل الناس…
(يحنك تصريح) ويشحن عرببتو .. المشوار بي ٣٢ مليون من الخرطوم للجزيرة أو النيل الأبيض….
يزيد سعر السلعة إلى ما هو جنوني وأشياء تجعل الكورونا كائن إنساني بالمقارنة معهم…
والله جد….
قدر ما في ناس أبهرونا بالوعي قدر مافي حاجات تشلك …
الشلل الواحد دا …
وغايتو الناس تحتسب…
المهم فايدة الحظر دا إنو ال فعلا عايز يحافظ على نفسو وعلى الحولو قدر يعمل كدا بتصريح رسمي …
ويا أيها الناس : دا ما حظر تقابلو بيهو جائحة …
و…..
رحمة ربنا بس .

مقالات ذات صلة

شاهد أيضاً

إغلاق
error: المحتوى محمي